Мирлан Даанышман

Мирлан Даанышман 1984-жылы 6-майда Нарын облусуна караштуу Ат-Башы районунда жарык дүйнөгө келген. 

2011-2016-жылдары И. Арабаев атындагы Кыргыз мамлекеттик университетинде журналистика багыты боюнча билим алган. 

Эмгек жолун 2007-жылы Коомдук телерадиоберүү корпорациясынан баштаган. 2008-2009-жылдары Баткен облусундагы мамлекеттик телеканалда башкы редактордук кызматты аркалаган. 2010-2012-жылдары ЭлТР коомдук телекомпаниясында эмгектенген. 2012-жылдан бери кино жана сериалдар боюнча продюсер.

Мирлан Даанышман – коомдук ишмер, “KgStan Media center”(“КейДжистан” медиа центр)компаниясынын  жетекчиси.

“Алдаба жана алданба!” деген принципти карманган Мирлан Даанышман Жогорку Кеңешке баруу аркылуу өлкөнүн билим берүү жана маданият тармагына кескин өзгөртүүлөрдү киргизүүнү пландап жатат.